دِکھتا ہوں سادہ مگر تیز نظر رکھتا ہوں
سننے کے ساتھ میں کہنے کا ہنر رکھتا ہوں
ہر کسی فرد کے دل میں میں اتر جا تا ہوں
ہر کسی دل میں لگا کر میں یہ ڈر رکھتا ہوں
کود پڑتا نہیں ہوں میں کسی بھی آتش میں
میں محبت کے مطابق ہی جگر رکھتا ہوں
دکھ میں بھی جانتا ہوں پیڑوں کے کٹنے کا یہ
آںگن میں گھر کے میں بھی ایک شجر رکھتا ہوں
مجھکو کیا واسطہ ہے دنیا کے شور و غُل سے
اپنے اندر میں خیالوں کا نگر رکھتا ہوں
کہتا دشمن سے ہے یہ وقت کا ظالم خنجر
دھیما لیکن میں بہت گہرا اثر رکھتا ہوں
ہوں فرشتوں سے بھی افضل میں اسی دنیا میں
میں خطاؤں سے ہٹا کر یہ نظر رکھتا ہوں
تم کو لگتا ہے میں انجان ہوں ہر ہونی سے
تم نہیں جانتے میں سب کی خبر رکھتا ہوں
اس کو لگتا ہے یہ عامِر کہ بھُلا بیٹھا ہوں
میں بھی صورت ذرا ویسی بنا کر رکھتا ہوں
